Kategoriyalar
Your Cart


Şartlar ve Koşullar

OMMAVIY OFERTA (TOVARLARNI MASOFADAN TURIB SOTISH BO'YICHA)

 

FOYDALANUVCHI BITIMI

Iltimos, dibaexpress.com internet-do‘koni xizmatlaridan foydalanishni boshlashdan oldin Foydalanuvchi bitimi qoidalari bilan yaxshilab tanishib chiqing.

Mazkur Bitim Xaridorlarning dibaexpress.com sayti materiallari va servislaridan foydalanishlari shartlarini belgilaydi.

 

1. Atamalar va tushunchalar

1.1. Sotuvchi — dibaexpress.com internet-do‘koni.

1.2. Xaridor — dibaexpress.com saytida joylashtirilgan tovarlar yoki xizmatlarni xarid qilish uchun sayt yoxud mobil ilova orqali buyurtma joylashtirgan hamda mazkur Foydalanuvchi bitimi shartlarini so‘zsiz qabul qilgan jismoniy shaxs.

1.3. Tovar – tomonlar kelishuvi ob’ekti – dibaexpress.com saytida joylashtirilgan tovarlar va xizmatlar.

 

2. Umumiy qoidalar

2.1. Mazkur Foydalanuvchi bitimi (matnda keyingi o‘rinlarda – Shartnoma) tovarlar va xizmatlarning Sotuvchi tomonidan Xaridorga taqdim etilish tartibi va shartlarini belgilaydi.

2.2. Sotuvchi mazkur Qoidalarga bir tomonlama asosda o‘zgarishlar kiritishga haqli.

2.3. Internet-do‘konning dibaexpress.com saytida taqdim etilgan barcha foto, video va matnli materiallar faqat tanishtiruvchi xarakterga ega bo‘lib, texnik holatlarga ko‘ra, Tovarning rangi, shakli, o‘lchami, jamlanma tarkibi va hokazo xususiyatlari to‘g‘risidagi ishonchli axborotni to‘laqonli bera olmaydi. Xaridorda Tovarning xususiyatlariga doir savollar tug‘ilsa, u 71-200-01-77 raqami orqali internet-do‘kon maslahatchisiga murojaat etishi lozim.

 

3. Shartnoma predmeti va Tovar narxi

3.1. Tovarlarni mazkur Shartnomada ko‘rsatilgan shartlar asosida Sotuvchi taqdim etadi, Xaridor esa qabul qiladi va haqini to‘laydi. Buyurtma qilingan Tovar Xaridorga amalda topshirilgan hamda Xaridor tomonidan uning to‘liq narxi to‘langan vaqtdan boshlab, mazkur Tovarga nisbatan mulk huquqi Xaridorga o‘tadi. Tovarning tasodifiy yo‘qotilishi yoki shikastlanishi xatari Tovar Xaridorga amalda topshirilgan vaqtdan boshlab Xaridorga o‘tadi.

3.2. Tovar narxi bir tomonlama va tortishuvsiz asosda Sotuvchi tomonidan belgilanadi hamda dibaexpress.com internet-do‘koni sahifalarida, O‘zbekiston Respublikasining milliy valyutasi – so‘mda ko‘rsatiladi.

3.3. Muayyan tovarga shartnoma tuzish taklifi dibaexpress.com internet-do‘koni saytida grafik surat ko‘rinishida taqdim etilgan ushbu tovar mavjud bo‘lgan butun muddat davomida amal qiladi.

 

4. Shaxsiy ma’lumotlar

4.1. Sotuvchi Xaridorning shaxsiy ma’lumotlarini, elektron hujjatlarini hamda xabarlarini ko‘rib chiqadi va qonunchilikka muvofiq ularning maxfiyligini ta’minlaydi. Sotuvchi Xaridorning shaxsiy ma’lumotlaridan Shartnomani bajarish maqsadlarida foydalanadi va ularni uchinchi shaxslarga bermaydi. Sotuvchi, shuningdek, shaxsiy ma’lumotlardan Xaridorning roziligisiz Ofertani va (yoki) reklamani, shu jumladan elektron hujjatlarni yoxud elektron xabarlarni ommaviy tarqatma usulida tarqatish uchun foydalanmaydi.

 

5. Tomonlarning majburiyatlari

5.1. Sotuvchining majburiyatlari:

5.1.1. Xaridorga Tovar haqida kerakli va to‘g‘ri ma’lumotlarni taqdim etish.

5.2. Xaridorning majburiyatlari:

5.2.1. Ushbu Shartnoma shartlarini bajarish;

5.2.2. Tanlangan Buyurtmani rasmiylashtirishning (narx, tanlangan Tovar, Tovar miqdori va h.k.) to‘g‘riligini uning haqini to‘lashdan oldin puxta tekshirish;

5.2.3. Internet-do‘kon tomonidan dibaexpress.com saytida va ijtimoiy tarmoqlarda Xaridorlar uchun e’lon qilinadigan xabarlar va bildirishnomalarni kuzatib borish.

 

6. Tomonlarning huquqlari

6.1. Sotuvchi quyidagi huquqlarga ega:

6.1.1. Jiddiy nuqsonlar, xatoliklar va uzilishlar aniqlansa, shuningdek, profilaktika ishlarini o‘tkazish hamda Internet-do‘kon tizimiga noqonuniy buzib kirish holatlarining oldini olish maqsadlarida Internet-do‘kon faoliyatini to‘xtatib turish;

6.1.2. Ushbu Qoidalarni, Tovarlar narxlarini va xizmatlarga tariflarni, to‘lov hamda yetkazib berish usullari va muddatlarini bir tomonlama asosda o‘zgartirish. Barcha o‘zgarishlar Internet-do‘konda e’lon qilinishi bilan darhol kuchga kiradi va shu tarzda nashr etilgan vaqtidan boshlab Xaridorga ma’lum qilingan hisoblanadi;

6.1.3. Xaridor bilan bo‘ladigan telefon suhbatlarini yozib olish.

6.2. Xaridor quyidagi huquqlarga ega:

6.2.1. Maslahat uchun Internet-do‘konga murojaat etish.

 

7. Tomonlarning javobgarliklari

7.1. Xaridor Buyurtmani rasmiylashtirishda taqdim etilgan ma’lumotning mazmuni va to‘g‘riligi uchun javobgar bo‘ladi. Xaridor tomonidan mazkur Shartnomaga ko‘ra o‘z majburiyatlarining umuman yoki kerakli tarzda bajarilmasligi holatida, Xaridor O‘zbekiston Respublikasi amaldagi qonunchiligiga ko‘ra javobgar bo‘ladi.

7.2. Sotuvchi quyidagilar uchun javobgar emas:

7.2.1. Yetkazib beruvchi tomonidan taqdim etilgan axborotdagi ma’lumotlarning mazmuni va to‘g‘riligi;

7.2.2. Sotuvchida vaqtincha Internet-do‘konga kirish imkonining yo‘qligi, shuningdek, bu bilan bog‘liq har qanday oqibatlar;

7.2.3. Sotuvchiga bog‘liq bo‘lmagan holda yuzaga kelgan fors-major holatlari;

7.2.4. Xaridorning harakatlari tufayli uchinchi shaxslarga tasodifan yoki ataylab yetkazilgan har qanday zararlar, shu jumladan har qanday daromad yoki mablag‘larning yo‘qotilishi;

7.2.5. Xaridorning shaxsiy ma’lumotlarini qo‘llagan holda amalga oshirilgan har qanday ehtimoliy xatti-harakatlar, shu jumladan, bunday ma’lumotlar Xaridorning o‘zi tomonidan oshkor etilgan holatlarda ham.

7.3. Quyidagilar natijasida yuzaga kelishi mumkin bo‘lgan Xaridorning kamomadlari yoki foydalana olmagan daromadlari uchun Sotuvchi javob bermaydi:

7.3.1. Internet-do‘kondan foydalanish, shu jumladan Buyurtmani rasmiylashtirish vaqtida taqdim etiluvchi rekvizitlarning noto‘g‘ri to‘ldirilishi;

7.3.2. Internet-do‘konga kirish uchun Xaridor tomonidan ishlatilayotgan qurilmalarda va dasturiy ta’minotda «viruslar» hamda boshqa ziyonkor dasturlar mavjudligi;

7.3.3. Uchinchi shaxslarning, shu jumladan Xaridor identifikatsion ma’lumotlari qo‘llanishi bilan bog‘liq g‘ayrihuquqiy xatti-harakatlari.

 

8. Onlayn do'konda ro'yxatdan o'tish

8.1. Onlayn do'kondan foydalanish huquqini olish uchun Xaridor Saytda Foydalanuvchi hisobini ro'yxatdan o'tkazish majburiyatini oladi.

8.2. Foydalanuvchini ro'yxatdan o'tkazish quyidagicha amalga oshiriladi:

a) abonentning telefon raqamini (+998XXXXXXXXXXX) formatidagi shaklga kiriting; ro'yxatdan o'tish paytida Foydalanuvchi tomonidan ko'rsatilgan abonent telefon raqami Internet-do'kondan foydalanishda Foydalanuvchi nomi (login) sifatida ishlatiladi;

b) Operator tomonidan Xaridorga ko'rsatilgan abonent raqamiga SMS-xabar ko'rinishida taqdim etilgan parolni kiriting;

c) ushbu ofertani uning shartlariga rozilik bilan qabul qilish;

d) istakka muvofiq, sotuvchining davom etayotgan aktsiyalari haqida ma'lumot (reklama) olishga roziligingizni bering.

8.3. Foydalanuvchi Operatordan SMS-xabarda olgan parolni to'g'ri kiritgandan so'ng, ro'yxatdan o'tish tugallangan hisoblanadi.

8.4. Onlayn do'konda Foydalanuvchi hisobini ro'yxatdan o'tkazish bo'yicha harakatlarni amalga oshirish orqali Foydalanuvchi ushbu oferta shartlarini to'liq va hech qanday istisnosiz qabul qiladi.

8.5. Xaridorni ro'yxatdan o'tkazish Xaridor nomidan uchinchi shaxslarning ruxsatsiz xatti-harakatlaridan saqlanish imkonini beradi va unga onlayn-do'konning qo'shimcha xizmatlaridan foydalanish imkoniyatini beradi. Xaridor tomonidan login va parolni uchinchi shaxslarga berishga yo'l qo'yilmaydi.

8.6. Tovarlarga buyurtma Xaridor tomonidan Sayt va/yoki mobil ilova orqali amalga oshiriladi. Faqat ro'yxatdan o'tgan xaridorlar (foydalanuvchilar) Buyurtma berishlari mumkin.

8.7. Sotuvchi ro'yxatdan o'tish paytida Xaridor tomonidan taqdim etilgan ma'lumotlarning aniq va to'g'riligi uchun javobgar emas.

 

9. Buyurtmani ro'yxatdan o'tkazish va shartlari

9.1. Sotuvchi va Xaridor o‘rtasida Tovarni oldi-sotdi Shartnomasi ofertani yo‘llagan Xaridor Yetkazib beruvchining akseptini olgan vaqtda, mazkur Bitim shartlari asosida tuziladi.

9.2. Xaridorning buyurtmasi Saytda va/yoki mobil ilovada elektron buyurtma shaklini to'ldirish orqali amalga oshirilishi mumkin.

9.2.1. Buyurtmani Saytda va/yoki mobil ilovada elektron shakl orqali rasmiylashtirishda Xaridor shu orqali ushbu taklif shartlari bilan tanishganligini tasdiqlaydi va Sotuvchiga Buyurtmaning to'g'ri bajarilishi va rasmiylashtirilishi uchun zarur bo'lgan barcha ma'lumotlarni taqdim etish majburiyatini oladi.

9.2.2. Sayt va/yoki mobil ilova orqali Buyurtmani joylashtirishda Xaridor elektron Buyurtma shaklini to'ldiradi va yaratilgan Buyurtmani elektron shaklda tasdiqlash orqali sotuvchiga yuboradi.

9.3. Xaridor Buyurtma tarkibini o'zgartirishga haqli emas.

9.4. Agar Xaridorda Tovarning xususiyatlari va xususiyatlariga oid qo'shimcha savollar bo'lsa, Buyurtmani rasmiylashtirishdan oldin Xaridor Saytda ko'rsatilgan ish vaqtiga muvofiq kerakli ma'lumotlarni olish uchun +998 71 200 01 77 telefon raqami orqali Sotuvchi bilan bog'lanishi kerak.

9.5. Buyurtmaning o‘zi Xaridorning Sotuvchiga yo‘llangan ofertasi hisoblanadi. Buyurtmaning rasmiylashtirilishi Tovarning ko‘rsatilgan narxini to‘lashga Xaridorning roziligini anglatadi.

 

10. To‘lov usullari

10.1. Internet-do‘kondan xarid qilinadigan Tovar haqini to‘lash uchun Xaridor bank kartalaridan (UZCARD, HUMO, VISA va MASTERCARD) hamda turli to‘lov ilovalari (masalan, PAYME, CLICK v.b.) orqali boshqa elektron to‘lov vositalaridan  foydalangan holda to‘lovni amalga oshirishi mumkin. Dastlabki bosqichda elektron tijorat doirasida Internet-do‘kon faoliyatida to‘lovlar Xaridor tomonidan faqat yuqorida ko‘rsatilgan usullarda amalga oshirilishi mumkin.

Buning uchun Internet-do‘kon sahifalarida Xaridorga Tovar haqini Internet-do‘kon hamkorlik qilayotgan to‘lov jihozlari orqali to‘lash taklif etiladi va Xaridor saytdagi yo‘riqnomalarga rioya qilib, to‘lovni onlayn tarzda amalga oshirishi mumkin.

 

11. Buyurtmani yetkazib berish. Mulk huquqining o‘tishi

11.1. Buyurtmani rasmiylashtirishda, Xaridor Tovarni yetkazib berish bo‘yicha Kompaniyaning pulli xizmatidan foydalanishi mumkin.

11.2. Tovarni yetkazib berish butun O‘zbekiston hududi bo‘ylab amalga oshiriladi.

11.3. Xaridorga Tovarni yetkazib berish Xaridor tomonidan Buyurtmani rasmiylashtirishda ko‘rsatilgan manzil bo‘yicha amalga oshiriladi.

11.4. Yetkazib berish muddati Buyurtmani rasmiylashtirish paytida, yetkazib berish manziliga, tovar mavjudligiga va uning xususiyatlariga bog‘liq holda belgilanadi.

11.5. Yetkazib berishning ko‘rsatilgan muddatlari o‘zgarishi mumkin, Foydalanuvchi bu haqda Internet-do‘konda, Shaxsiy Kabinetda yoki telefon orqali xabardor qilinadi.

11.6. Buyurtmani yetkazib berish uchun, Sotuvchi uchinchi shaxslar xizmatlaridan foydalanishi mumkin.

11.7. Xaridor Buyurtmani Kurerdan qabul qilib olib, Buyurtmani olganligi haqidagi hujjatni imzolagan paytdan Tovarga nisbatan mulk huquqi Xaridorga o‘tadi.

11.8. Xaridor Buyurtmani olish vaqtida Tovarning butunligi va jamlanmasining to‘liqligi bo‘yicha tekshirish vositasida uning miqdori, nomi va sifatini ko‘zdan kechirishi (agar buning imkoni bo‘lsa) hamda Buyurtmani olganligi haqidagi hujjatni imzolashi shart.

11.9. Buyurtmani qabul qilib olish vaqtida Xaridor yoki Buyurtmani qabul qilib olayotgan boshqa shaxs, o‘zining shaxsini tasdiqlovchi hujjatini taqdim etishi lozim.

11.10. Kurer quyidagi holatlarda Buyurtmani topshirmaslikka haqlidir:

11.10.1. Xaridor, yoki Buyurtmani qabul qilib olayotgan boshqa shaxs, Xaridorning shaxsini tasdiqlovchi hujjatini taqdim etmasa;

11.10.2. Xaridor, yoki Buyurtmani qabul qilib olayotgan boshqa shaxs, Buyurtmani olganligi haqidagi hujjatni imzolashdan va/yoki Buyurtma haqini, shu jumladan yetkazib berish haqini to‘lashdan bosh tortsa;

11.10.3. Qonunchilikda, mazkur Qoidalarda yoki boshqa, shu jumladan, kuryerlik xizmati amal qiladigan hujjatlarda ko‘zda tutilgan boshqa holatlarda.

11.11. Buyurtmaning Kurer tomonidan topshirilishi vaqtida Xaridor Buyurtmadan butunlay yoki qisman voz kechishga haqli. Buyurtmadan butunlay yoki qisman voz kechish holatida, Xaridor Buyurtmadan voz kechishi sabablarini ko‘rsatgan holda tegishli hujjatni imzolashi va uni Kurerga topshirishi shart. Voz kechish holatida, Xaridor Tovarni yetkazib berish uchun Sotuvchi tomonidan qilingan xarajatlarni Kurerga pul mablag‘larini berish yo‘li bilan qoplashi shart.

11.12. Agar Xaridor Tovarni qabul qilib olishda hujjatlarni imzolashdan asossiz ravishda bosh tortsa va Sotuvchi tomonidan ushbu Qoidalarga muvofiq taqdim etilayotgan xizmatlarning sifatiga yozma e’tiroz taqdim etmasa, u holda Sotuvchi tomonidan amalga oshirilgan xizmatlar kerakli tarzda bajarilgan va Xaridor tomonidan qabul qilingan hisoblanadi.

 

12. Buyurtmani bekor qilish. Tovarni almashtirish va qaytarish

12.1. Buyurtmani bekor qilish. Xaridorga Tovarning chiqarib yuborilishini tasdiqlash haqidagi Xabar yo‘llanmasidan oldin Xaridor Buyurtmadan butunlay yoki qisman voz kechishga haqli. Buyurtmani bekor qilish uchun Xaridor Sotuvchi bilan bog‘lanishi va Buyurtmadan voz kechmoqchi ekanligini ma’lum qilishi lozim.

12.2. Zarur sifatga ega bo‘lgan Tovarni almashtirish. Qonunchilikka binoan, Xaridor o‘zi sotib olgan, oziq-ovqat mahsuloti bo‘lmagan, zarur sifatga ega bo‘lgan Tovarni o‘ziga topshirilgan boshlab 10 (o‘n) kun mobaynida pulni qaytarib olmasdan va yangi Buyurtma rasmiylashtirmasdan, xuddi shunday Tovarga almashtirib olishi mumkin. Tovarni almashtirib olish yoki qaytarish haqidagi Xaridorning talabi quyidagi hollarda qondiriladi: Tovar ishlatilmagan va uning tovarga xos ko‘rinishi, iste’mol xususiyatlari, plombalari, yorliqlari saqlangan bo‘lsa, shuningdek, uni Sotuvchidan xarid qilganining isboti mavjud bo‘lsa. Qonunchilikka binoan qaytarish va xuddi shunday Tovarga almashtirish mumkin bo‘lmagan, oziq-ovqat mahsuloti bo‘lmagan, zarur sifatga ega bo‘lgan Tovarlar bundan mustasno. Zarur

sifatga ega bo‘lgan Tovarni almashtirish uchun, Xaridor Kompaniya bilan bog‘lanishi va almashtirmoqchi ekanligini ma’lum qilishi lozim. Yetkazib beruvchida almashtirib berish uchun kerakli Tovar mavjud bo‘lmasa, Xaridor sotib olingan Tovarni Sotuvchiga qaytarishga va uning uchun to‘lagan pul miqdorini qaytarib olishga haqli.

12.3. Zarur sifatga ega bo‘lmagan Tovar. Agarda zarur sifatga ega bo‘lmagan Tovar bo‘lsa, u holda Xaridor o‘z ixtiyoriga ko‘ra Yetkazib beruvchiga muqarrar talablarni (masalan, Tovarni almashtirib berish, uning nuqsonlarini bartaraf etish) qo‘yishga yoki sotib olingan Tovardan voz kechishga va Tovar uchun to‘langan pul mablag‘ini qaytarib berishni qonunchilikka muvofiq talab qilishga haqli. Talab qo‘yish yoki Tovardan voz kechish uchun, Xaridor Sotuvchi bilan bog‘lanishi va maqsadini aytishi lozim.

12.4. Pullarni qaytarish. Pullarni qaytarish usuli Tomonlar orasida kelishib amalga oshiriladi.

12.5. Tovarni qaytarish xarajatlari. Zarur sifatga ega bo‘lgan Tovarni qaytarishda xarajatlar Xaridor tomonidan qoplanadi. Zarur sifatga ega bo‘lmagan Tovarni qaytarishda esa xarajatlar Yetkazib beruvchi tomonidan qoplanadi.

 

13. E’tirozlarni taqdim etish

13.1. Xaridor Buyurtmani ko‘zdan kechirib olganidan va Buyurtmani olganligi haqidagi hujjatlarni imzolaganidan so‘ng, Sotuvchi tomonidan e’tirozlar qabul qilinmaydi, Tovarning kamchiliklari bilan bog‘liq e’tirozlar bundan mustasno.

13.2. Xaridor Sotuvchiga o‘z talablarini da’vo qilish tartibida taqdim etishga haqli.

13.3. Agarda ko‘rsatilgan muddat ichida Tovarda kamchiliklar sababli da’vo qilingan holatlarda, Sotuvchi Tovarni ekspertizadan o‘tkazishi mumkin. Agarda Sotuvchi hisobidan o‘tkaziladigan ekspertizada, mazkur kamchiliklar Sotuvchi mas’ul bo‘lmagan holatlar oqibatida yuzaga kelganligi aniqlanadigan bo‘lsa, Xaridor bu ekspertiza xarajatlarini Sotuvchiga to‘lab berishi kerak bo‘ladi.

13.4. Tovarda biror defekt yoki shikast aniqlansa, zarur darajada bo‘lmagan sifat uchun Yetkazib beruvchi javobgar bo‘ladi, Xaridorning aybi bilan va Tovarning Sotuvchi tomonidan tashilishida defektlar yuzaga kelgan holatlar bundan mustasno.

 

14. Tomonlarning javobgarliklari

14.1. Ushbu oferta (sotuvchining Xaridor tomonidan qabul qilingan ofertasi) shartlarini bajarmaganlik yoki lozim darajada bajarmaganlik uchun Tomonlar O‘zbekiston Respublikasi qonunchiligiga muvofiq javobgar bo‘ladilar.

14.2. Sotuvchi Internet-do'konda sotib olingan Tovardan noto'g'ri foydalanish natijasida Xaridorga etkazilgan zarar uchun javobgar emas.

14.3. Sotuvchi Buyurtmani noto'g'ri to'ldirish, shu jumladan shaxsiy ma'lumotlarning noto'g'ri ko'rsatilishi natijasida xaridorning zarari uchun javobgar emas;

14.4. Xaridor onlayn-do'konda ro'yxatdan o'tishda o'zi ko'rsatgan ma'lumotlar va shaxsiy ma'lumotlarning to'g'riligi uchun to'liq javobgar bo'ladi.

14.5. Foydalanuvchi Internet-do‘kon va Saytdan ushbu taklifda ko‘rsatilganidan boshqa maqsadlarda foydalanmasligiga kafolat beradi.

14.6. Foydalanuvchi tomonidan ushbu oferta shartlari bo'yicha majburiyatlar buzilgan taqdirda, Sotuvchi Xaridorning logini (telefon raqami) ni bloklash orqali Xaridorning Internet-do'kondan foydalanishiga kirishini blokirovka qilishga haqli.

 

15. Fors-major

15.1. Tomonlardan istalgan biri ushbu Shartnoma bo‘yicha o‘z majburiyatlarini to‘liq yoki qisman bajarmaganlik uchun javobgarlikdan ozod qilinadi, agar ushbu bajarmaslik mazkur Shartnoma imzolanganidan keyin yuzaga kelgan, Tomonlardan hech biri avvaldan ko‘rishga va o‘zidagi vositalar bilan oldini olishga qodir bo‘lmagan, yengib bo‘lmas holatlar sababli yuzaga kelgan bo‘lsa. Bunday favqulodda hodisalar va holatlar, xususan, quyidagilarni o‘z ichiga oladi: ish tashlashlar, toshqinlar, yong‘inlar, zilzilalar va boshqa tabiiy ofatlar, urushlar, harbiy harakatlar, O‘zbekiston Respublikasi va boshqa davlatlar davlat organlarining harakatlari, shuningdek, Tomonlardan istalgan birining oqilona nazorati doirasidan chiquvchi istalgan boshqa holatlar. 

Amaldagi qonunchilikning yoki tomonlardan istalgan biriga bevosita yoxud bilvosita ta’sir etuvchi me’yoriy aktlarning o‘zgarishi yengib bo‘lmas holatlar sifatida ko‘rilmaydi, ammo, bunday o‘zgarishlarning kiritilishi Tomonlardan istalgan birining mazkur Shartnoma bo‘yicha biror majburiyatini bajarishiga yo‘l qo‘ymaydigan bo‘lsa, Tomonlarning mazkur Shartnomani bajarishda davom etishlarini ta’minlash maqsadida Tomonlar zudlik bilan mazkur muammoni bartaraf etish bo‘yicha ish tartibi borasida qaror qabul qilishlari lozim.

 

16. Qoidalarni o‘zgartirish tartibi

16.1. Sotuvchi dibaexpress.com saytida e’lon qilish yo‘li bilan istalgan vaqtda mazkur Qoidalarga bir tomonlama tartibda o‘zgarishlar (qo‘shimchalar) kiritishi mumkin.

 

17. Nizolarning hal etilishi

17.1. Ofertaning bajarilishi bilan bog‘liq holda yuzaga kelgan barcha nizolar va ziddiyatlar muzokaralar yo‘li bilan hal etiladi.

17.2. Tovarning/Buyurtmaning sifati va yetkazib berilishiga aloqador nizolar Sotuvchi tomonidan o‘rnatilgan yo‘l bilan hal etiladi.

17.3. Nizolarni muzokaralar yo‘li bilan tartibga solish imkonsiz bo‘lgan holatlarda, nizo O‘zbekiston Respublikasining amaldagi qonunchiligiga muvofiq hal etiladi.

 

18. Qo‘llaniluvchi huquqiy me’yorlar

18.1. Mazkur Bitim bilan tartibga solinmaydigan savollar yuzaga kelgan hollarda, Tomonlar ularni hal etishda O‘zbekiston Respublikasi qonunchiligiga tayanadi.

18.2. Mazkur Bitimning biror qoidasi qonunchilikka zid bo‘lsa, O‘zbekiston Respublikasi qonunchiligi me’yorlari qo‘llanadi. Alohida qoidalarning amal qilmasligi yaxlit Bitimning amal qilmasligiga sabab bo‘lmaydi. 

Xaridor, mazkur Bitim shartlariga o‘zining roziligini tasdiqlar ekan, bu bilan uning barcha bandlari bilan tanishib chiqqanligini va butkul roziligini tasdiqlaydi.